鄧橙周記 22-28/11/2005

上星期收到dong qi的email,才發覺自己不應該用廣府話寫文章,因為除了香港人之外,其他人就看不懂;更愧自己是唸中文!!

這星期埋首做english in an historical perspective(EHP)的功課.只怪自己過去的六星期太懶散,現在就要急起直追了! 不過,話雖如此,我開始喜歡這學科:因為當你將筆記,參考書放滿整張書桌,然後"很學者"的翻資料,做筆記/微批...那感覺對我來說...很好! history of english一點也不是鬧着玩,要花很多精神和時間. 上星期一個香港男同學在堂上問我,學英文字的來源有什麼用,我想了一想答他:因為"勁"咯! 真的,我是認真答他,因為"虛榮"對某些人是發奮上進的動力. 對我來說,是湊效的!!(Har,你說的沒錯,我真是個"學者"呀!!你真是先知先覺)

星期三下午要到離portsmouth市中心十五分鐘車程的cosham為申請national insurance number走一趟. 半小時的面試後,就到附近的high street閒逛. 突然那種"一個人在途上"的感覺又油然而生.

星期六,跟老闆娘lu在二樓廚房閒聊,她問我最近讀書如何,我說現在開始喜歡當初"自選",後來變了"自殺"的EHP,她好奇的問我為何,我說:有些事你不喜歡,因為你不了解;但當你了解之後,你會慢慢喜歡. 收到媽媽寄來的古董手袋,有點高興,又有點懊惱,因為我還未選好晚裝

星期日,老闆娘lu心情特好(她一向也很和藹可親),常跟我們開玩笑. 吃過午餐(今天是我做三文治)後,還給我們準備甜點,我要了victorian sponge,很甜! 她邀請我們十二月去gunwharf吃晚飯,是為了慶祝聖誕節和tea rooms的周年紀念.

好了,2004年將要過去,今年做了不少重要決定,還有一個...完成之後,2004年和心中的牽掛就此成為過去.

鄧橙周記 15-21/11/2005

星期三籃球比賽對university of reading,輸得慘烈.我地應該有成十幾人,點知好多中堅都放飛機,得7個人領隊都要落場,我都打足兩個quater.左腳大腿舊患繼續痛,右腳膝頭又唔知做咩赤赤痛.領隊打到半場都知冇得追,叫我地盡打啦.

其實我都明個個都打得好頹,但要知道reading打得比我地好,我地成盤散沙咁.自己唯有盡力守,盡力攻,輸都輸得有體育精神.最後15比52.其實太肉酸!!好彩上次對birmingham我地贏54比28,係聯賽都唔會係榜尾.

星期四上完個極唔想上嘅british & comparative institution,我同christine同nicola去左間pub & cafe食咗個大碟兼抵食嘅curry. 跟住同nicola去咗睇night gown,1600返屋企睇睇吓note睏著咗.

星期五又得零度,我覺得個鼻凍到冇乜知覺咁. 不過唔知係唔係已經習慣咗,其實我唔係真係覺得咁凍. jiejie,條頸巾好溫呀,我呢個"怕凍精"都唔覺得凍啦!!

星期六唔係咁忙,所以1500就離開sallyport去打波. 著左四條褲!!

星期日lunch我要跟老闆娘lu走上走落做sunday roast,又要睇住廚房,好攰呀! tea time唔係太忙,1630收工.

鄧橙周記 8-14/11/2005

今個星期都過得so far so good,不過都係一個字 - 懶!

唔知係唔係因為個天氣,日日都天暗暗,大約16:30就天黑,成日都好似好攰咁.日日都話要溫書,又係冇,除左做功課之外,晚晚都唔知做咩!!連臨睏睇書都冇.

星期三諗住練波,點知去到先知男仔比賽,唯有俾"坤"做啦啦隊.

星期四同左同group同學becky去買海鮮.原來呢度唔興自動自覺幫人劏魚,唯有打俾mommy問下點整.條trout又幾好食,哈哈,都係我整得好!

星期五agnes同pat兩個妹妹即興上來打邊爐,傾偈傾到成00:00,佢地住係山卡啦langstone,所以叫佢地留係度睏.費事危險.

星期六做野做到唔知時間,係老闆娘叫我食完sandwiches就好去練波.練波打比賽時打左個地轆,"凳"親個pat....痛死我啦! agnes同pat兩個妹妹又上左來等我一齊入langstone食飯.去到langstone"睇示範單位"參觀佢地(pat, agnes, daniel, kevin)間房.打麻將打到成04:00.星期日繼續開工.